الوصفة دى أنا أخدتها من ” سالى فؤاد” وهى فعلاً وصفة متميزة، هى عملتها كذا مرة بإضافات مختلفة، أنا عملت الطريقة التقليديه بتاعتها البسيطة
لازم لما تيجى تاكليها تشربى ماء معها علشان تديكى إحساس عالى بالشبع لفترة طويلة  
كمان حسبت السعرات بتاعتها، الشريحة الواحدة قطرها حوالى ٨ سم وفيها٧٠ سعر حرارى 
جربتها بالجبن مرة ومرة ثانيه بالعسل كانت حلوة جداً 
هيه مغذيه كمان وبتدى إحساس بالشبع عالى لإحتوائها على الشوفان 
أنصحكم كلكم تجربوها 

المقادير( تكفى لعمل ٣٠ شريحة)

• ٣/٤ كوب ماء دافىء 
• ملعقة صغيرة خميرة فورية 
• ملعقة صغيرة عسل 
• كوب شوفان خشن
• ٢ كوب دقيق أسمر
• ربع كوب جنين قمح
• ربع كوب زيت 
• ربع كوب حبوب بذر الكتان 
• ربع كوب حبوب الشيا
• ربع كوب حبوب الكينوا
• ملح
• ربع كوب لبن بودرة

الطريقة

1. نضع الماء والعسل والخميرة ونقلبهم ثم نضيف باقي المقادير ونعجن 
2. أنا شخصيا احتجت أن أضيف تقريباً ربع كوب ماء إضافى كى تتماسك العجينه 
3. نحضر صينية الخبز المبطنه بورق الزبدة و نأخذ جزء من العجينه ويا إما نفردها رفيعة جداً باليد أو نشّابه ثم نقطعها بالكوب لأقراص حتى تأخذ شكل مستدير
4. توضع في فرن ساخن على حرارة ١٨٠ حوالى نصف ساعة أو حتى تحمر من الإطراف وتتحمص بعض الشئ 
5. تُحفظ فى علبه محكمة الغلق 

وبالهناء والشفاء