أكيد أكلتوها برة ونفسكوا تعملوها في البيت

دي عبارة عن عجينة كوكيز ومحشية في النص نوتيلا ( أي نوع كريمة بندق قابلة للفرد)
بس في البيت حتعملوها أرخص بكثير وحجم أكبر يكفي العائلة كلها 
سر نجاحها :
١- أول حاجة متقعدش كثير في الفرن علشان متنشفش ، يعني بتتحط في فرن ١٨٠ درجة حوالي ٣٥ دقيقة أو بالكثير ٤٠ دقيقة
٢- متعملوهاش في صينية كبيرة، أنا عملتها في صينية ألومنيوم مقاس ١٨
٣- لازم تبطنوا الصينية بورقة زبدة غير قابلة للصق ، علشان تطلعوها من الصينية بسهولة من غير ما تتكسر ( أنا كنت جايبة ورق زيدة بني حلو أوي من مُطير في إسكندرية مش بيلزق خالص وكان واخد الشكل المدور وفيه عنده ورق مستطيل برضو مش بيلزق)
٤- تسيبوها تكون دافئة مش ساخنة ، تتاكل دافئة وممكن عليها سكوب آيس كريم

المقادير

الطريقة

١- نضرب الزبدة والسكر معاً بالمضرب ثم نضيف البيض والفانيليا ونشرب ٥ دقائق
٢- نضيف البكنج صودا والدقيق ونقلب
٣- نحضر الصينية ونبطنها بورق زبدة وبالملعقة نضيف طبقة رفيعة من العجين ونسويها بأطراف الأصابع
٣- نضع النوتيلا في المنتصف العجين مع مراعاة عدم وصولها للأطراف
٤- بالملعقة نغطي النوتيلا بالعجين ونفردها بأطراف الأصابع
٥- نضع تشوكولت شيبس على الوجه
٦- توضع في فرن ساخن لمدة من ٣٠ ل ٤٠ دقيقة بالكثير ( يدوب تاخد لون ذهبي من الوجه زي الصورة)
٧- نخرجها من الفرن ونتركها تهدأ، ثم بمغرفة عريضة ننقلها لطبق كبير وتُترك حتى تصبح دافئة

وبالهناء والشفاء