شاورما اللحم السورى ( مع ثوميه) :
قبل أن أقول المقادير أحب أن أتوجه بالشكر للأستاذ ” شام الأصيل” السورى لإنى واخدة الوصفة دى منه، وأنا على علمى أنه عنده محل شاورما ” الدمشقى الأصيل” بالتجمع ومع ذلك فهو لم يكتم عمله ولم يضنّ بالوصفة على الناس ونزلها على اليوتيوب على قناته، فتَحيّه له ولكل من لا يضن بعمله للآخرين وإن كان يدل ذلك على شىء فهو دليل على ثقته بنفسه وحبه للغير 

كان نفسى أصورلكم شكل الشاورما من جوه ( ان شاء الله فى بوست منفصل فيه الخطوات بالتفصيل)
وكمان حاكتب هنا وصفته زى ماقالها، وفى الآخر حاكتب تعليقى أنا وملاحظاتى بعد ماعملتها

المقادير

الطريقة

١. نقطع اللحم شرايح وهى شبه متجمده علشان نعرف نقطعها بسهولة
٢. نضع مقادير التتبيله كلها على الشاورما وتوضع فى الثلاجة مغطاه لمدة لا تقل عن ٥ ساعات ويُفضل أن تترك قبل بيوم بالثلاجة
٣. نحضر مصفاه ونصفى الشاورما علشان مش عاوزين غير التتبيله من غير الكثير من الماء
٤. فى طاسه كبيرة نقسم الشاورما على نصفين و بالقليل من الزيت نشوح كل نصف على نار عاليه إلا أن تمتص مائها وتكون ” نصف سوا” أو أقرب للسواء ولو كانت مش بتلو ومحتاجة بعض تسويه ممكن أوطى النار عليها وأغطيها
٥. فى نفس الطاسه نحمر الدهون المستخدمه حتى تسيح شوية ونضعها فوق خلطه الشاورما
٦. نفرد الشاورما فى صينيه ونضعها تحت الشوايه حتى يحمر وجهها مع مراقبتها وتقليبها من وقت للآخر حتى لا تجف
٧. كده الشاورما جاهزة، نحضر رغيف العيش السورى ( طريقته فى وصفات زى الجاهز) ونضع صف طحينه وصف زبادى والكثيييييير من البقدونس ثم الشاورما ثم نوزع المخلل عليه ونلف الساندوتش
٨. إختيارى ممكن تضغطى الساندوتش على الشوايه
٩. تحضير الثوميه:
نخلط المقادير معاً ونقلب

ملاحظات:
١. مش لازم اللحم يكون بفتيك، ممكن لو لحم عادى بس يتقطع شرائح رفيعة ويتغطى عليه علشان يستوى كويس
٢. للناس اللى مش بتحب الدسم ممكن تستغنى عن لدهن، ولكن الدهون بتدى لها طعم شبه الجاهز
٣. ممكن تشوحيها على النار لاحد ماتحمر لو مش حابه تعملى خطوة الشوايه

وبالهناء والشفاء